Zeynəb Məmmədyarova “Miss Chess Uqra” seçilə bilər - FOTO

Zeynəb Məmmədyarova “Miss Chess Uqra” seçilə bilər   - FOTO
06-06-2017 / 10:37 STOLÜSTÜ OYUNLAR
5525

İyunun 17-26-da Xantı-Mansiyskdə keçiriləcək komandalararası dünya çempionatına qatılacaq 10 ən gözəl qadın şahmatçının adı açıqlanıb. Apasport.az saytının məlumatına görə, yarış öncəsi müəyyənləşən Top-10-da azərbaycanlı qrossmeyster Zeynəb Məmmədyarovanın da adı var.

 

O, Natalya Buksa (Ukrayna), Karina Şzepkovska (Polşa), Ti May Hunq Hquyen (Vyetman), Venyun Ju (Çin), Tanya Saçdev (Hindistan), Valentina Qunina (Rusiya), Bela Xorenaşvili (Gürcüstan), Katerina Nemçova (ABŞ) və Xalid Mona (Misir) ilə birgə siyahıda yer alıb. “Top-10”u açıqlamaqda digər məqsəd mundialın ən gözəlini müəyyənləşdirməkdi. Artıq bunun üçün chess.pw saytında səsverməyə də start verilib. Məmmədyarova “Miss Chess Uqra” müsabiqəsində hələlik yalnız Buksadan geri qalır. Ukraynalı şahmatçı təmsilçimizi 3 səs qabaqlayır.

 

Qeyd edək ki, qalibin adı iyunun 15-də açıqlanacaq.