“Çelsi”nin ulduzu əməliyyat olundu: oktyabrda qayıdacaq

“Çelsi”nin ulduzu əməliyyat olundu: oktyabrda qayıdacaq
16-06-2017 / 14:02 FUTBOL
494

“Çelsi”nin hücumçusu Eden Azar əməliyyat olunub. Apasport.az saytının xarici mətbuata istinadən məlumatına görə, ulduz futbolçu uzun müddət klubundan ayrı qalacaq.

 

Belçika millisinin məşqi zamanı ayağı qırılan 26 yaşlı oyunçu dünən cərrah bıçağı altına uzanıb. Əməliyyatın uğurlu keçdiyini bildirən həkimlər Azarın ən tezi sentyabrda məşqlərə başlayacağını və oktyabrdan komandaya kömək edə biləcəyini söyləyiblər.

 

Bu da o deməkdi ki, oyunçu Premyer Liqanın ilk 7 turunu buraxacaq. Yəni “zadəganlar” “Bernli”, “Tottenhem”, “Everton”, “Lester”, “Arsenal”, “Stok Siti” və “Mançester Siti” ilə qarşılaşmada belçikalının xidmətindən məhrum qalacaq. Azar həmçinin Çempionlar Liqasının qrup mərhələsinin ilk 2 turunu da kənardan izləməli olacaq.

 

Qeyd edək ki, Eden Azar ötən mövsüm meydana çıxdığə 43 oyunda 17 qol, 7 assistlə yadda qalıb.