“Yuventus”dan fransalı futbolçuya təklif

“Yuventus”dan fransalı futbolçuya təklif
17-06-2017 / 14:14 FUTBOL
833

PSJ-nin futbolçusu Blez Matuidi karyerasını İtaliyada davam etdirə bilər. Apasport.az saytı xarici mətbuata istinadən xəbər verir ki, 30 yaşlı yarımmüdafiəçi ilə “Yuventus” yaxından maraqlanır.

 

“Qoca sinyora” Matuidi ilə ötən yay da danışıq aparırdı. Lakin həmin vaxt bu transferi həyata keçirmək mümkün olmamışdı. Bu dəfə hadisələrin necə cərəyan edəcəyi isə maraqla gözlənilir.

 

Turinlilər PSJ-yə də rəsmi təkliflə müraciət ediblər.

 

Qeyd edək ki, 2010-cu ildən Fransa yığmasının da üzvü olan Matuidi PSJ-yə 2011-ci ildə “Sent-Etyen”dən keçib.