“Inter”in oyununda 29 yaşlı referi

“Inter”in oyununda 29 yaşlı referi
17-07-2017 / 09:22 FUTBOL
410

“İnter”in Avropa Liqasının II təsnifat mərhələsinin cavab oyunları çərçivəsində keçirəcəyi qarşılaşma gənc hakimə tapşırılıb. Apasport.az saytının məlumatına görə, “Fola” ilə Lüksemburqdakı görüşü idarə edəcək Donatas Rumsasın cəmi 29 yaşı var.

 

1988-ci ildə anadan olan ədalət təmsilçisi FİFA referisi statusunu 2016-cı ildən daşıyır. Təxminən ilyarımlıq beynəlxalq təcrübə zamanı Rumsas əsasən U-17, U-19 və U-21 yığmalarının oyunlarında fit çalıb.

 

Lakin litvalının yolları Azərbaycan milliləri ilə kəsişməyib. Rumsas Lüksemburqda özünün ikinci avrokubok matçına çıxacaq. Onun siftəsi ötən il gerçəkləşib.

 

Avropa Liqasının I təsnifat mərhələsinə təyinat alan referi Xorvatiya “Lokomotiv”inin səfərdə “Santa Koloma”nı udmasına şahid olub – 3:1. O, qonaqların lehinə penalti qərarı ilə də diqqət çəkib.