Dino Ndlovunun komandası razılaşdı, oyun yenidən keçiriləcək

Dino Ndlovunun komandası razılaşdı, oyun yenidən keçiriləcək
12-09-2017 / 19:41 FUTBOL
1037

DÇ-2018-in Afrika zonası üzrə seçmə mərhələsi çərçivəsində keçirilmiş CAR – Seneqal oyunu yenidən baş tutacaq. Apasport.az saytının məlumatına görə, bu barədə daha əvvəl UEFA qərar qəbul etmişdi və CAR futbol federasiyası da bunu təsdiqləyib.

 

Federasiyadan verilən açıqlamada oyunun yenidən keçirilməsinə qərar verildiyi bildirilib: “Assosiasiya lazımi qərar verdi və biz də bunu qəbul etməliyik. Seneqalla matç təyin olunmuş gündə yenidən keçiriləcək. Biz adımızın hansısa korrupsiya qalmaqalında hallanmasını istəmərik”.

 

Qeyd edək ki, 12 noyabr 2016-cı ildə Polkovanedə keçirilən matç CAR millisinin 2:1 hesablı üstünlüyü ilə başa çatmışdı. Lakin görüşün qanalı baş hakimi Jojef Lamptinin danışılmış oyunlarda iştirakı təsdiqləndiyi üçün həmin qarşılaşmanın nəticəsi də ləğv edilmişdi.

 

Əlavə olaraq bildirək ki, "Qarabağ"ın hücumçusu Dino Ndlovu CAR yığmasının formasını geyinsə də, son zamanlar milliyə dəvət alımır.