Braziliya yığmasının baş məşqçisi: Favoritlərdən biriyik

Braziliya yığmasının baş məşqçisi: Favoritlərdən biriyik
11-10-2017 / 17:30 FUTBOL
425

“Dünya çempionatının favoritlərdindən biriyik”. Apasport.az saytı xarici mətbuata istinadən xəbər verir ki, bu sözləri Braziliya yığmasının baş məşqçisi Tite deyib.

 

Gələn yay Rusiyada keçiriləcək mundiala vəsiqə qazanmış “pentakampeonlar”ın çalışdırıcısı maraqlı fikirlər səsləndirib.

 

O, dünya çempionatına kuboku qazanmaq üçün yollanacaqlarını bildirib: “Çempionluğa iddialı olduğumuzu sərgilədiyimiz oyun və komandanın seçmə mərhələdəki çıxışı təsdiqləyir. Məqsədimiz Rusiyada kuboku qazanmaqdı. Buna nail olub-olmayacağımızı deyə bilmərəm. Amma braziliyalı futbolçuların göstərdikləri oyunla fəxr edirəm. Mundialda əsl rəqabətlə üzləşəcəyik. Lakin biz rəqabətə tab gətirəcək gücdəyik”.

 

Qeyd edək ki, seçmə mərhələdə 18 matçda 41 xal toplayan Braziliya millisi qrup birincisi kimi adını mundialın final mərhələsinə yazdırıb.