Avropa çempionluğu və 3 şəxsi medal – Rauf Məmmədovdan uğurlu nəticə

Avropa çempionluğu və 3 şəxsi medal – Rauf Məmmədovdan uğurlu nəticə
07-11-2017 / 09:16 STOLÜSTÜ OYUNLAR
764

Yunanıstanda şahmat üzrə başa çatan Avropa çempionatında yığmamızın 3 qrossmeysteri şəxsi birincilikdə də mükafatçılar sırasında yer alıb. Apasport.az saytının məlumatına görə, 3-cü dəfə qitənin ən güclüsü adını qazanan kişilərdən ibarət millimizdə ən yaxşı nəticəni Rauf Məmmədov göstərib.

 

O, keçirdiyi 9 görüşdə 8 xal toplamaqla, turnirin ən uğurlu zəka sahibi seçilib və 4-cü lövhədə qızıl medala yiyələnib.

 

Birinci lövhədə 8 matç keçirib 5 xal yığan Şəhriyar Məmmədyarovla ikinci lövhədə 5,5 xala malik Teymur Rəcəbov isə gümüş medal qazanıblar.

 

Qeyd edək ki, komandamız 14 xal toplamaqla, qitənin ən güclüsü adına sahib olub.