Xorvatiyanı mundiala aparacaq məşqçi açıqlandı

Xorvatiyanı mundiala aparacaq məşqçi açıqlandı
14-11-2017 / 16:52 FUTBOL
1071

Xorvatiya yığmasının baş məşqçisi Zlatko Daliçin taleyinə aydınlıq gəlib. Apasport.az-ın Xorvatiya Futbol Assosiasiyasının rəsmi saytına istinadən məlumatına görə, 51 yaşlı mütəxəssis postunda saxlanılıb.

 

Bu gün assosiasiyanın prezidenti Davor Şukerlə görüşən Daliçin komandanı mundiala aparması qərara alınıb. Şuker qrup mərhələsində Ukrayna (2:0) və pley-offda Yunanıstan üzərində qələbənin (4:1, 0:0) memarı olan Daliçin dünya çempionatına yollanmağa layiq olduğunu bildirib. Çalışdırıcı gələn həftə rəsmi müqaviləyə qol çəkəcək.

 

Qeyd edək ki, seçmə mərhələnin IX turunda Finlandiya ilə heç-heçədən (1:1) sonra Ante Çaçiçlə yollarını ayıran Xorvatiya Futbol Assosiasiyası Zlatko Daliçi müvəqqəti bu posta təyin etmişdi. Komandanı mundiala aparmağa namizədlər arasında Azərbaycan yığmasının baş məşqçisi Robert Prosineçkinin də adı var idi.