“Azərbaycanın Çilidən öndə qərarlaşması...”

“Azərbaycanın Çilidən öndə qərarlaşması...”
18-01-2018 / 18:27 FUTBOL
423

“Çili futbolunun durumuna görə narahatam. Səviyyə getdikcə aşağı düşür”. Apasport.az saytının məlumatına görə, bu sözləri Çilinin “Union Espanyola” klubunun idman meneceri, eyni zamanda məşqçilər kollecinin rəhbəri olan Fernando Dias deyib.

 

Beynəlxalq Futbol Tarixi və Statistikaları Federasiyası (İFFHS) bir neçə gün əvvəl dünya liqalarının reytinq cədvəlini açıqlayıb. Çili çempionatı tarixinin ən zəif nəticəsi ilə 63-cü sırada yer alıb ki, bu da Diasın narahatlığına səbəb olub. Funksioner 50-ci olan Azərbaycan Premyer Liqasından geri qalmasına münasibət bildirməkdən də çəkinib: “Düşünürəm ki, müəyyən tədbirlərə əl atmalıyıq. Belə getsə, cədvəlin daha aşağı pillələrində yer alacağıq. Deyə bilmərəm ki, Azərbaycan, Albaniya, Belarus çempionatlarının Çilidən öndə qərarlaşması düzgündü, ya yox. Amma əminəm ki, bir neçə il əvvəlki Çilidən çox geri qalırıq”.