“Rəqibin "Qarabağ"da oynayan futbolçularını tanıyıram”

“Rəqibin
20-01-2018 / 10:37 FUTBOL
307

“Təəssüratlarımız həmişəki kimi, müsbətdi. Bütün uşaqlar özlərini göstərmək, yığmada nəyisə dəyişmək istəyirlər. Hədəfimiz uğurlu nəticələr qazanmaqdı”. Apasport.az saytının məlumatına görə, bu sözlər Moldova yığmasının müdafiəçisi Petru Rakuya məxsusdu.

 

“Şerif”in futbolçusu yerli mətbuata açıqlamasında Cənubi Koreya və Azərbaycanla keçiriləcək yoldaşlıq görüşləri barədə fikirlərini bölüşüb. 31 yaşlı oyunçu yığmamızı yaxşı tanıdığını da söyləyib: “Cənubi Koreya dünya çempionatına hazırlaşan komandadı. Onların Türkiyəyə hansı heyətlə yollanacaqlarını bilmirəm. Azərbaycan millisinin isə bir neçə futbolçusunu tanıyıram. Çünki ötən il “Qarabağ”a qarşı çıxış etmişik. Azərbaycan yaxşı komandadı. Bizim heyətdə yalnız Moldova çempionatında çıxış edən futbolçular cəmləşib. Səfərə öz məqsədimiz üçün gedirik və uğurlu nəticə ilə qayıdacağımıza inanırıq”.

 

Qeyd edək ki, Moldova yığması yanvarın 27-də Cənubi Koreya, 30-da isə Azərbaycanla qarşılaşacaq.