"Azərreyl" Novruz kubokunun qalibi oldu - YENİLƏNİB

17-03-2018 / 17:14 TOP OYUNLARI
6402

Bu gün qadın voleybolçular arasında Novruz kubokuna yekun vurulub. Apasport.az saytının məlumatına görə, uzun fasilədən sonra təşkil edilən yarışın final qarşılaşması baş tutub.

 

Voleybol Mərkəzində keçirilən oyunda Super Liqanın güclüləri “Azərreyl”lə “Abşeron” üz-üzə gəliblər. Onlar yarımfinalda müvafiq olaraq AVF və "Lokomotiv" üzərində qələbə qazanıblar.

 

Saat 16:00-da başlayan həlledici görüş “Azərreyl”in üstünlüyü şəraitində keçib. Hər üç setdə rəqibini məğlub edən “Azərreyl” Novruz kubokunun qalibi adına yiyələnib.

 

Novruz kuboku, final

“Azərreyl” - “Abşeron” - 3:0 (25:21, 25:20, 25:20)