“Lokomotiv” və “Neftçi” final mərhələsinə qələbə ilə başladı - YENİLƏNİB

“Lokomotiv” və “Neftçi” final mərhələsinə qələbə ilə başladı - YENİLƏNİB
19-04-2018 / 18:55 TOP OYUNLARI
3286

Bu gün kişi voleybolçular arasında Azərbaycan Yüksək Liqasının final mərhələsinə start verilib. Apasport.az saytının məlumatına görə, Voleybol Mərkəzində keçirilən qarşılaşmalarda meydana öncə “Neftçi” və MOİK çıxıb.

 

3-cü yer uğrunda ilk görüşdə “ağ-qaralar” qələbə qazanıblar. “Hərbiçilər” üçüncü hissədə fərqi azaltsalar da, bundan artığına gücləri çatmayıb və “Neftçi” 3:1 hesabı ilə qalib gəlib.

 

Bu matçın ardınca qızıl medal üçün mübarizəni davam etdirən “Lokomotiv”lə “Sərhədçi” bir-birini sınağa çəkib. Gərgin və maraqlı keçən final qarşılaşmasından “dəmiryolçular” üstün ayrılıblar. Azərbaycan çempionu rəqibini 3:0 hesabı ilə məğlub etməklə, qızıl medallara bir addım yaxınlaşıb.

 

Komandalar arasında ikinci oyunlar aprelin 21-də keçiriləcək.

 

Qeyd edək ki, 2 oyunda qələbə qazanacaq klub qalib olacaq. Əgər cütlərdə hər klub bir dəfə üstün olarsa, onlar arasında daha bir görüş təşkil ediləcək.

 

Yüksək Liqa

19 aprel

İlk oyunlar

 

Final

“Lokomotiv” – “Sərhədçi” - 3:0 (25:23, 25:23, 25:19)

Voleybol Mərkəzi

 

3-cü yer uğrunda

“Neftçi” – MOİK - 3:1 (25:19, 25:21, 21:25, 25:8)

Voleybol Mərkəzi