Əliyar Ağayevin Avropa sınağı: 5 “sarı”, 1 “qırmızı”, “Barselona” finalda

Əliyar Ağayevin Avropa sınağı: 5 “sarı”, 1 “qırmızı”, “Barselona” finalda
20-04-2018 / 21:36 FUTBOL
3332

UEFA Gənclər Liqasının yarımfinal mərhələsinin oyunları keçirilib. Apasport.az saytının məlumatına görə, azərbaycanlı FİFA referisi Əliyar Ağayev bu mərhələdə iş başında olub.

 

Ağayev “Mançester Siti” – “Barselona” görüşündə ədaləti təmsil edib. Nyonda keçirilən oyun kataloniyalıların 5:4 hesablı qələbəsi ilə yekunlaşıb.

 

Matç ərzində hər iki tərəfdən 5 oyunçuya sarı vərəqə ilə xəbərdarlıq edən Ağayev, 36-cı dəqiqədə İngiltərə təmsilçisinin üzvü Lorenzo Qonzalezi ikinci xəbərdarlıqla meydandan qovub.

 

Qeyd edək ki, yarımfinalın digər görüşündə “Çelsi” “Portu”nu penalti seriyasında üstələyib.