“Neymarın meydana çıxmaq üçün heç bir şansı yoxdu”

“Neymarın meydana çıxmaq üçün heç bir şansı yoxdu”
07-07-2014 / 13:23 DÇ-2014
1306

“Santos” nümayəndələri Neymara baş çəkib. Həkimlər hər şeyi edir ki, oyunçu dünya çempionatından sonra mümkün olduğu qədər tez bərpa olunsun. Qalan hər şey spekulyasiyadır”. Apasport.az saytının məlumatına görə, bunu Braziliya yığmasının həkimi Joze Luis Runko deyib.

 

Braziliya – Kolumbiya oyunu zamanı “Napoli”nin mərkəz müdafiəçisi Xuan Sunyiqa tərəfindən zədə alan Neymar üçün dünya çempionatı başa çatıb. Ancaq mətbuatda onun tez sağala biləcəyi və komandası finala çıxacağı halda, orda oynaya biləcəyi bildirilir.

 

Runko Braziliya mətbuatına açıqlamasında bu kimi informasiyalara inanmamağa səsləyib: “Neymarın meydana çıxmaq üçün tamamilə heç bir şansı yoxdur. İllüziya yaratmaq lazım deyil. Braziliya onsuz oynamalıdır, vəssalam. Əgər oynasa, ozünün bütün karyerasını təhlükə altında qoyacaq”.