Lavrov amerikalı senatorları qəbul edib

lavrov amerikali senatorlari qebul edib

ABŞ Senatının nümayəndə heyəti Rusiyada səfərdədir.

 

APA-nın Moskva müxbirinin verdiyi məlumata görə, bu gün Rusiyanın xarici işlər naziri senatorları qəbul edib.

 

Görüş zamanı S. Lavrov səfərinin iki ölkənin parlamentləri arasında münasibətlərin bərpasına gətirib çıxaracağına ümid etdiyini söyləyib: "Parlamentarlar öz dövlətlərinin maraqlarını təmsil edən və ölkənin bütün guşələrindən birbaşa seçilən insanlardırlar. Şübhəsiz ki, onlar öz dövlətlərinin və xalqlarının əhval-ruhiyyəsini əks etdirirlər. Eyni zamanda, parlamentarların başqa bir funksiyası da var. Onlar öz bəyanatları, fəaliyyətləri və səlahiyyətləri ilə əhval-ruhiyyəni formalaşdırırlar. Fikrimcə, parlamentlərarası dialoqun bərpa olunması iki həftə sonra Helsinkidə baş tutacaq Rusiya və ABŞ prezidentləri Vladimir Putin və Donald Tramp arasındakı görüşün kontekstində çox vaxtında atılmış bir addımdır”.

 

Qeyd edək ki, Rusiya XİN başçısı ilə ABŞ Senatının nümayəndələri arasında keçirilən görüşdə iki ölkə arasındakı münasibətlərin hazırkı vəziyyəti, perspektivləri və beynəlxalq gündəmdə olan aktual məsələlər müzakirə olunub.

 

Nümayəndə heyətinin üzvü, senator Riçard Şelbi deyib ki, Vaşinqton Moskvaya düşmən kimi deyil, superderjava kimi baxmalıdır. Onun sözlərinə görə, hazırda Moskva və Vaşinqton arasında münasibətlər sadə deyil: "Bəli, biz rəqib ola bilərik, lakin bu, düşmən olmaq mənasına gəlmir”.

 

R. Şelbi S. Lavrovla görüşdə ciddi məsələlər barədə müzakirələr apardıqlarını qeyd edib: "Əsas müzakirə mövzusu qarşıdan gələn Tramp və Putin görüşü oldu. Baxaq görək, görüş necə keçəcək”.

BÖLMƏDƏN DİGƏR XƏBƏRLƏR

XƏBƏR LENTİ

13:43 15 İyul
TOP 5

VİDEO XƏBƏRLƏR

FOTO XƏBƏRLƏR

  • qerb bolgesine yagan yagis fesadlar yaradib
    Qərb bölgəsinə yağan yağış fəsadlar yaradıb
  • dunya kuboku fransa milli komandasina teqdim edilib
    Dünya kuboku Fransa milli komandasına təqdim edilib
dunya kuboku fransa milli komandasina teqdim edilib dunya kuboku fransa milli komandasina teqdim edilib +2
MƏZƏNNƏ
FOREX
/ 16 İyul, 2018

USD
1.7
 
EUR
1.9817
 
RR
0.0273