Bəhreyn Azərbaycan yığmasına qarşı ikinci heyətlə oynayacaq

Bakı. Vüqar Xeyrullayev - APA-Sport. Sabah Azərbaycanla yoldaşlıq oyunu keçirəcək Bəhreyn yığması qarşılaşmaya 17 futbolçuyla hazırlaşır. “APA-Sport”un məlumatına görə, ərəblərin heyətində zədəlilərin olması çexiyalı mütəxəssis Milan Maçalanı oyunçu problemi ilə üz-üzə qoyub. Yığmanın meneceri olan sabiq müdafiəçi Həsən Xalfan 4 aparıcı futbolçunun xidmətindən məhrum olduqlarını açıqlayıb.

Qətərin “Əl-Xor” klubunun müdafiəçisi Məhəmməd Səid Adnan baldır nahiyəsində əzələsini qırdığından heyətdən kənarlaşdırılıb. “Əl-Nəcmə”nin hücumçusu Rəşid Camal Salam dizindəki zədə, digər ön xətt oyunçusu - “Əl-Vəhd”də çıxış edən Abdulla əl Dehil isə əzələ bağlarındakı problem üzündən Azərbaycanla oyunu buraxmağa məcburdur. Küveytin “Əl-Ərəbi” klubunda top qovan İsmayıl Abdul topuğunu əzərək sıradan çıxıb.

Xalfanın sözlərinə görə, Azərbaycanla matç dünya çempionatının seçmə mərhələsinin Avstraliya ilə oyunundakı heyətin müəyyənləşməsi baxımından zəruridir. Qətərlə qarşılaşmada çıxış edən 4 oyunçunu heyətdən kənarlaşdıran Maçala, ümumilikdə 8 əsas oyunçusu olmadan yığmamıza qarşı çıxacaq. Küveytdə legioner həyatı yaşayan müdafiəçi Abdulla əl Mərzuqi və komandanın kapitanı Mahmud Cəlal, həmçinin “Müharraq”in yarımmüdafiəçiləri Abdulla Məhəmməd Ömərlə Salman da düşərgəyə çağırılmamışdı.

BÖLMƏDƏN DİGƏR XƏBƏRLƏR

XƏBƏR LENTİ

TOP 5

VİDEO XƏBƏRLƏR

FOTO XƏBƏRLƏR

  • qeyri hokumet teskilatlarina dovlet desteyi surasinin 10 illik yubileyi munasibetile tedbir kecirilib
    Qeyri-Hökumət Təşkilatlarına Dövlət Dəstəyi Şurasının 10 ill...
  • azerbaycan prezidenti aib idare heyeti surasi uzvlerini qebul edib yenilenib
    Azərbaycan prezidenti AİB İdarə Heyəti Şurası üzvlərini qəbu...
azerbaycan prezidenti aib idare heyeti surasi uzvlerini qebul edib yenilenib azerbaycan prezidenti aib idare heyeti surasi uzvlerini qebul edib yenilenib +2
MƏZƏNNƏ
FOREX
/ 23 İyun, 2018

USD
1.7
 
EUR
1.9745
 
RR
0.0267