Bakıda Şimal-Cənub nəqliyyat dəhlizi layihəsi üzrə növbəti üçtərəfli görüş keçirilir

Bakı. Rəşad Süleymanov – APA-Economics. Bu gün Bakıda Şimal-Cənub beynəlxalq nəqliyyat dəhlizinin reallaşması istiqamətində növbəti üçtərəfli görüş işə başlayıb. Bu barədə «APA-Economics»ə Azərbaycan Dövlət Dəmir Yolunun (ADDY) mətbuat xidmətindən məlumat verilib.
Üçtərəfli görüşdə Azərbaycan Dövlət Dəmir Yolu rəisinin müavini Mehdi Mehdiyevin, «Rusiya Dəmir Yolları» ASC-nin vitse-prezidenti Aleksandr Bobreşovun və İran Dəmir Yolları rəisinin müavini Mahmud Rza Keymaneşin rəhbərlik etdiyi nümayəndə heyətləri iştirak edir.
İki gün davam edəcək tədbirdə Şimal-Cənub beynəlxalq nəqliyyat dəhlizi layihəsinin tərkib hissəsi olan Qəzvin-Rəşt-Astara (İran)-Astara (Azərbaycan) xəttinin tikintisi ilə bağlı birgə müəssisənin yaradılması ilə əlaqədar təqdim edilmiş təsis sənədlərinin layihəsi, texniki-iqtisadi əsaslandırma layihəsi ilə bağlı «Rusiya Dəmir Yolları» ASC-nin gördüyü işlər müzakirə olunacaq.
Üçtərəfli görüşdə eyni zamanda Qəzvin-Rəşt-Astara (İran)-Astara (Azərbaycan) xəttinin tikintisi layihəsi ilə bağlı İran tərəfinin məlumatı dinləniləcək. Görüşün sonunda yekun sənədinin imzalanması gözlənilir.
Qeyd edək ki, Şimal-Cənub nəqliyyat dəhlizi haqqında razılaşma Rusiya, İran və Hindistan arasında 2000-ci ilin sentyabr ayında imzalanıb. Razılaşma bütün nəqliyyat növlərinə – dəmir yolu, dəniz, çay, avtomobil və hava nəqliyyatına aiddir. Proqnozlara görə, tam gücü ilə fəaliyyət göstərəcəyi təqdirdə Şimal-Cənub nəqliyyat dəhlizi vasitəsi ilə sonrakı mərhələlərdə daşınan yüklərin həcmi ildə 15 mln. tona qədər artacaq.
Azərbaycan bu sazişə 2005-ci ildə qoşulub. Şimal-Cənub nəqliyyat dəhlizi layihəsi çərçivəsində Azərbaycanda 8,5 km yeni dəmir yolu, hər biri 1 050 metr olmaqla 4 stansiya yolu, sərhəddə gömrük, viza və təkər dəyişmə məntəqəsi inşa olunacaq. Bundan başqa, İranla birgə Astara çayı üzərindən 101 metr uzunluğunda körpü inşa ediləcək.

BÖLMƏDƏN DİGƏR XƏBƏRLƏR

XƏBƏR LENTİ

13:22 23 İyun
09:33 23 İyun
09:25 23 İyun
TOP 5

VİDEO XƏBƏRLƏR

FOTO XƏBƏRLƏR

  • mudafie senayesi naziri yaver camalov defn edilib fotosessiya
    Müdafiə sənayesi naziri Yavər Camalov dəfn edilib - FOTOSESS...
  • turkiyede novbedenkenar prezident ve parlament seckileri baslayib
    Türkiyədə növbədənkənar prezident və parlament seçkiləri  ba...
turkiyede novbedenkenar prezident ve parlament seckileri baslayib turkiyede novbedenkenar prezident ve parlament seckileri baslayib +2
MƏZƏNNƏ
FOREX
/ 24 İyun, 2018

USD
1.7
 
EUR
1.9745
 
RR
0.0267