Azərbaycan Dövlət Neft Fondu ötən il aktivlərini 4,3 dəfə artırıb

azerbaycan dovlet neft fondu oten il aktivlerini 4 3 defe artirib
Bakı. Rəşad Süleymanov – APA-Economics. Azərbaycan Respublikası Dövlət Neft Fondunun (ARDNF) aktivləri 2008-ci il ərzində 4,3 dəfə artaraq cari ilin əvvəlinə 8 986,7 mln. manat (11 219,2 mln. ABŞ dolları) təşkil edib.
«APA-Economics»in məlumatına görə, bu barədə ARDNF-in icraçı direktoru Şahmar Mövsümov bu gün keçirdiyi mətbuat konfransında bildirib.
Ş.Mövsümovun sözlərinə görə, ötən il ARDNF-in büdcə gəlirləri 11 864,7 mln. manat, xərcləri isə 4 291,8 mln. manat olub. Fondun büdcəsinin gəlirləri 17% artıqlaması ilə, xərc hissəsi isə 2% qənaətlə yerinə yetirilib.
Ötən il ərzində Fondun neft sazişlərinin həyata keçirilməsi ilə bağlı gəlirləri 11 633,5 mln. manat, o cümlədən mənfəət neftinin satışından 11 527 mln. manat, akrhesabı ödənişlərdən 3,6 mln. manat, bonus ödənişlərindən 2,8 mln. manat, xarici sərmayəçilər tərəfindən təhvil verilmiş aktivlərdən 2,7 mln. manat, Bakı-Tiflis-Ceyhan (BTC) layihəsi üzrə dividendlərdən 97,2 mln. manat, tranzit haqlarından 0,2 mln. manat təşkil edib. ARDNF-in vəsaitlərin idarə olunmasından gəlirləri isə 231,2 mln. manat olub.
Xərclərdə isə 145 mln. manat məcburi köçkünlərin sosial məişət şəraitinin yaxşılaşdırılmasına, 120,6 mln. manat Samur-Abşeron suvarma sisteminin yenidən qurulması, 211,8 mln. manat Oğuz-Qəbələ-Bakı su kəmərinin çəkilişi, 3 800 mln. manat dövlət büdcəsinə transfer, 5,3 mln. manat Bakı-Tiflis-Qars dəmir yolunun, 2,3 mln. manat Azərbaycan gənclərinin xaricdə təhsili üzrə dövlət proqramının maliyyələşdirilməsinə yönəldilib. Fondun idarə edilməsi ilə bağlı xərclər isə 6,8 mln. manat olub.
Fond hesabat dövründə 26 mln. manat mənfəət vergisi ödəyib, həmçinin valyuta aktivlərinin yenidən qiymətləndirilməsi ilə bağlı büdcədən kənar xərcləri 652,6 mln. manat, vəsaitlərin idarə edilməsi üzrə orta çəkili gəlirlilik 3,79% təşkil edib.
Ş.Mövsümovun sözlərinə görə, ARDNF-in vəsaitlərinin 52,67%-i ABŞ dolları, 42,95%-i avro, 4,38%-i isə ingilis funt-sterlinqində saxlanılır.
«İnvestisia portfelinin tərkibi 93,79% qiymətli kağızlarda, 1,8% qısamüddətli kommersiya kağızları, 3,5% depozitlər və pul bazarı alətləri, 0,91% bank hesablarında yerləşdirilib», - deyə Ş.Mövsümov bildirib.
ARDNF-in saxladığı istiqrazların kredit reytinqi üzrə bölgüsünə gəlincə, AAA reytinqli kağızlar 89,19%, AA reytinqli 4,78%, A reytinqli 6,02% olub. Vəsaitlərin 33,41%-i 1 ilədək, 60,66%-i 1-3 il, 5,5%-i 3-5 il müddətinə yerləşdirilib.

BÖLMƏDƏN DİGƏR XƏBƏRLƏR

XƏBƏR LENTİ

13:22 23 İyun
09:33 23 İyun
09:25 23 İyun
TOP 5

VİDEO XƏBƏRLƏR

FOTO XƏBƏRLƏR

  • silahli quvvelerin 100 illiyi ile bagli herbi mahnilardan ibaret konsert kecirilib
    Silahlı Qüvvələrin 100 illiyi ilə bağlı hərbi mahnılardan ib...
  • bayram tedbirlerinde istirak edecek turkiye teyyareleri azerbaycana gelib
    Bayram tədbirlərində iştirak edəcək Türkiyə təyyarələri Azər...
bayram tedbirlerinde istirak edecek turkiye teyyareleri azerbaycana gelib bayram tedbirlerinde istirak edecek turkiye teyyareleri azerbaycana gelib +2
MƏZƏNNƏ
FOREX
/ 24 İyun, 2018

USD
1.7
 
EUR
1.9745
 
RR
0.0267