Azərbaycandakı bankların məcmu aktivləri son bir ildə 38% artıb

Bakı. Vahab Rzayev – APA-Economics. Azərbaycanda fəaliyyət göstərən bank təşkilatlarının məcmu aktivləri 2008-ci ilin sentyabr ayının 1-nə 9 301,05 mln. manat təşkil edib ki, bu da cari ilin əvvəlinə nisbətən 38,3% çoxdur.
Azərbaycan Milli Bankından «APA-Economics»ə verdiyi məlumata əsasən, aktivlərin əsas hissəsi banklar tərəfindən müştərilərə verilən kreditlərin payına düşür. Dəyər ifadəsində bu göstərici 6 182,01 mln. manat, xüsusi çəkisi isə 66,47% təşkil edib. İlin əvvəlindən kreditlərin aktivlərin strukturundakı payı 1,14 faiz bəndi artıb.
Ümumilikdə, aktivlərin strukturunda həmçinin digər banklarda olan müxbir hesablar da böyük paya sahibdir:

Qeyd edək ki, Azərbaycanda bank aktivlərinin bu cür strukturu son zamanlar adət halını alıb.
Eyni zamanda, passivlərin strukturunda əsas yeri müştərilərdən (44,90%) və maliyyə sektorundan (30,18%) cəlb olunan depozitlərin payına düşür. Kapitalın bank passivlərində payı isə 16,12%-ə bərabərdir.
Bank aktivlərinin strukturunu təhlil edərkən, aydın olur ki, bank investisiyalarının həcmi hələ də aşağı səviyyədədir. Bu, mənfi hal olsa da, təhlükəli amil deyil. Lakin passivlərin strukturunda maliyyə təşkilatlarından cəlb edilən depozit və kreditlərin 30% səviyyəsində olması bank likvidliyi baxımından təhlükəlidir, çünki bu maliyyə vəsaitləri qısamüddətlidir.
Ümumilikdə, Azərbaycandakı bankların uzunmüddətli maliyyə resurs bazasının çatışmazlığı müşahidə olunur ki, bu da öz növbəsində real sektora kreditlərin verilməsi imkanlarını məhdudlaşdırır.

BÖLMƏDƏN DİGƏR XƏBƏRLƏR

XƏBƏR LENTİ

13:43 15 İyul
TOP 5

VİDEO XƏBƏRLƏR

FOTO XƏBƏRLƏR

  • qerb bolgesine yagan yagis fesadlar yaradib
    Qərb bölgəsinə yağan yağış fəsadlar yaradıb
  • dunya kuboku fransa milli komandasina teqdim edilib
    Dünya kuboku Fransa milli komandasına təqdim edilib
dunya kuboku fransa milli komandasina teqdim edilib dunya kuboku fransa milli komandasina teqdim edilib +2
MƏZƏNNƏ
FOREX
/ 16 İyul, 2018

USD
1.7
 
EUR
1.9817
 
RR
0.0273