Bu gün Azərbaycanın da daxil olduğu “Şərq Tərəfdaşlığı” siyasəti ilə bağlı kommunikenin təqdimatı olacaq

Bakı. Laçın Sultanova - APA. Bu gün Brüsseldə Avropa İttifaqının (Aİ) Avropa Komissiyası (AK) 5 ölkə ilə xüsusi əməkdaşlığı nəzərdə tutan «Şərq Tərəfdaşlığı» siyasəti ilə bağlı hazırladığı kommunikeni Nazirlər Şurasına təqdim edəcək. Aİ-nın Azərbaycandakı nümayəndəliyinin rəhbəri Alan Vaddamsın APA-ya verdiyi məlumata görə, təqdimetmə mərasimində «Şərq Tərəfdaşlığı» təqdim olunan ölkələrin nümayəndələri iştirak etməyəcək: «Bu sənəd hələlik Avropa İttifaqına aid qurumlarda müzakirə olunacaq, sonra həmin ölkələrə təqdim olunacaq».

Kommunikeni Aİ-nın xarici siyasət və qonşuluq siyasəti üzrə komissarı Benita Ferrero-Valdner təqdim edəcək. A. Vaddamsın sözlərinə görə yeni proqramın məqsədi Avropa Qonşuluq Siyasətini daha da sürətləndirməkdir. Yeni proqramın hüquqi baxımdan necə təsis olunacağı hələlik məlum olmasa da, 5 ölkə - Azərbaycan, Ukrayna, Gürcüstan, Moldova və Ermənistanla assotiativ saziş imzalanması nəzərdə tutulur. Aİ Belarusun da bu sənədə qoşulmasını nəzərdən keçirir.

Kommunikenin prioritetləri isə artıq məlumdur: azad ticarət zonasının yaradılması, böhranların idarə olunması və birgə təlimlərin keçirilməsi, miqrasiya siyasəti, viza rejiminin sadələşdirilməsi, ətraf mühitin qorunması, enerji sahəsində əməkdaşlıq və s.

Xatırladaq ki, «Şərq Tərəfdaşlığı»na qoşulduqdan sonra Azərbaycanla Aİ arasında Avropa Qonşuluq Siyasəti çərçivəsində qəbul olunmuş Fəaliyyət Planına heç bir dəyişiklik edilməyəcək.

BÖLMƏDƏN DİGƏR XƏBƏRLƏR

XƏBƏR LENTİ

TOP 5

VİDEO XƏBƏRLƏR

FOTO XƏBƏRLƏR

  • qeyri hokumet teskilatlarina dovlet desteyi surasinin 10 illik yubileyi munasibetile tedbir kecirilib
    Qeyri-Hökumət Təşkilatlarına Dövlət Dəstəyi Şurasının 10 ill...
  • azerbaycan prezidenti aib idare heyeti surasi uzvlerini qebul edib yenilenib
    Azərbaycan prezidenti AİB İdarə Heyəti Şurası üzvlərini qəbu...
azerbaycan prezidenti aib idare heyeti surasi uzvlerini qebul edib yenilenib azerbaycan prezidenti aib idare heyeti surasi uzvlerini qebul edib yenilenib +2
MƏZƏNNƏ
FOREX
/ 23 İyun, 2018

USD
1.7
 
EUR
1.9745
 
RR
0.0267