ABU-nun prorektoru Mahir Abdullayevin vətəndaşların külli miqdarda pulunu mənimsəməkdə təqsirləndirilən katibəsinin məhkəməsi davam edir

Bakı. Ramil Məmmədli – APA. Bu gün Ağır Cinayətlərə Dair İşlər üzrə Məhkəmədə saxta yolla tələbə qəbul etməkdə və dələduzluqda ittiham olunan Binəqədi rayon Polis İdarəsinin keçmiş əməliyyat müvəkkili Müşfiq Muradovun və Azərbaycan Beynəlxalq Universitetinin (ABU) rektoru Elşad Abdullayevin qardaşı, ABU-nun prorektoru Mahir Abdullayevin katibəsi olmuş Bənövşə Hacıyevanın məhkəmə prosesi keçirilib. APA-nın məlumatına görə, hakim Eynulla Vəliyevin sədrliyi ilə keçirilən prosesdə şahid ifadələri dinlənilib. Şahid Zərifə Qocayeva deyib ki, 2007-ci ildə oğlunun Daxili İşlər Nazirliyinin Polis Akademiyasına qəbul olması üçün tanışı Mübarizin vasitəçiliyi ilə M. Muradov ondan 46 min ABŞ dolları alıb. Bir müddət keçdikdən sonra isə onlar aldadıldıqlarını başa düşüb, pulu M. Muradovdan geri tələb ediblər. Lakin ondan pulu almaq mümkün olmayıb. Prosesə şahid qismində dəvət olunan Anar Qədirov, Orxan Məmmədov, Jalə Aqilli, Vurğun Şahbazov və digərləri də cinayət işi ilə bağlı ifadə veriblər.

Proses fevralın 4-də davam etdiriləcək.

Qeyd edək ki, təqsirləndirilən şəxslər Cinayət Məcəlləsinin 178.3.1-ci (mütəşəkkil dəstə tərəfindən dələduzluq etmək) maddəsi ilə ittiham olunurlar. İttihama görə, təqsirləndirilənlər 2005-ci ildə bir qrup şəxslə cinayət əlaqəsinə girərək, ABU-ya Tələbə Qəbulu üzrə Dövlət Komissiyasından kənar tələbələr qəbulu işi ilə məşğul olublar. Onlar tələbələri Dağıstanda olan universitetlərdən birinə qəbul etdirməklə, sonra ABU-ya köçürüləcəyini vəd ediblər. Təqsirləndirilən şəxslər 2005-2007-ci illər ərzində 100-dən çox vətəndaşı aldadaraq, pullarını mənimsəyiblər. Adıçəkilən şəxslər 100 min manatdan artıq vəsaitin mənimsənilməsində ittiham olunurlar.

BÖLMƏDƏN DİGƏR XƏBƏRLƏR

XƏBƏR LENTİ

13:22 23 İyun
09:33 23 İyun
09:25 23 İyun
TOP 5

VİDEO XƏBƏRLƏR

FOTO XƏBƏRLƏR

  • silahli quvvelerin 100 illiyi ile bagli herbi mahnilardan ibaret konsert kecirilib
    Silahlı Qüvvələrin 100 illiyi ilə bağlı hərbi mahnılardan ib...
  • bayram tedbirlerinde istirak edecek turkiye teyyareleri azerbaycana gelib
    Bayram tədbirlərində iştirak edəcək Türkiyə təyyarələri Azər...
bayram tedbirlerinde istirak edecek turkiye teyyareleri azerbaycana gelib bayram tedbirlerinde istirak edecek turkiye teyyareleri azerbaycana gelib +2
MƏZƏNNƏ
FOREX
/ 24 İyun, 2018

USD
1.7
 
EUR
1.9745
 
RR
0.0267