Azərbaycanın millət vəkilini ölümlə hədələməkdə təqsirli bilinən Nardaran sakini barəsində iki aylıq həbs-qətimkan tədbiri seçilib

Bakı. Hafiz Heydərov - APA. Vətəndaş Həmrəyliyi Partiyasının sədri, millət vəkili Sabir Rüstəmxanlını ölümlə hədələməkdə təqsirli bilinərək saxlanılan Əli Hüseynovun barəsində iki aylıq həbs-qətimkan tədbiri seçilib. Bu barədə APA-ya Nərimanov rayon Məhkəməsindən məlumat verilib. Qərar yanvarın 26-da hakim Sevinc Alıyevanın sədrliyi ilə keçirilən iclasda çıxarılıb.

Qeyd edək ki, 2009-cu il yanvarın 9-da Nardaran qəsəbəsində keçirilən mitinq zamanı Vətəndaş Həmrəyliyi Partiyasının sədri, millət vəkili Sabir Rüstəmxanlının öldürülməsinə dair səslənmiş hədələrlə bağlı Sabunçu rayon Prokurorluğu tərəfindən Cinayət Məcəlləsinin 134-cü (öldürməklə və ya sağlamlığa ağır zərər vurmaqla hədələmə) maddəsi ilə cinayət işi başlanılıb. Sabunçu rayon Polis İdarəsinin İstintaq Şöbəsi tərəfindən aparılmış istintaqla müəyyən edilib ki, Nardaran qəsəbə sakini Hüseynov Əli Hümmət oğlu 16 dekabr 2008-ci il və 09 yanvar 2009-cu il tarixlərdə qəsəbənin “İmam Hüseyn” adlanan meydanında keçirilən piket zamanı millət vəkili Sabir Rüstəmxanlıya müraciətlə cangüdənlərinin sayını artırmağı məsləhət görüb və onun ölümünə fitva verildiyini bildirərək hədələyib.

Həyata keçirilən əməliyyat-axtarış tədbirləri nəticəsində Ə. Hüseynov yanvarın 24-də şübhəli şəxs qismində saxlanıb.

Hazırda iş üzrə istintaq tədbirləri davam etdirilir.

BÖLMƏDƏN DİGƏR XƏBƏRLƏR

XƏBƏR LENTİ

13:22 23 İyun
09:33 23 İyun
09:25 23 İyun
TOP 5

VİDEO XƏBƏRLƏR

FOTO XƏBƏRLƏR

  • silahli quvvelerin 100 illiyi ile bagli herbi mahnilardan ibaret konsert kecirilib
    Silahlı Qüvvələrin 100 illiyi ilə bağlı hərbi mahnılardan ib...
  • bayram tedbirlerinde istirak edecek turkiye teyyareleri azerbaycana gelib
    Bayram tədbirlərində iştirak edəcək Türkiyə təyyarələri Azər...
bayram tedbirlerinde istirak edecek turkiye teyyareleri azerbaycana gelib bayram tedbirlerinde istirak edecek turkiye teyyareleri azerbaycana gelib +2
MƏZƏNNƏ
FOREX
/ 24 İyun, 2018

USD
1.7
 
EUR
1.9745
 
RR
0.0267